PIDATO PERPISAHAN KELAS VI DALAM BAHASA JAWA

Assalamu'alaikum wr. Wb

Ingkang kinurmatan kepala pawiyatan SDN Gasang setunggal ,

Ingkang kawulo hormati bapak Kepala Desa Soho perangkatipun,

Ingkang kawulo hormati  bapak –ibu guru ingkang satuhu luhuring budi,

Bapak Ibu Wali Murid ingkang kawulo hormati ugi,

 lan rencang-rencang kelas 6 ugi perwakilan adik kelas ingkang kula trisnani.

Mangga kita sedaya ngaturaken puji syukur dhumateng Gusti Ingkang Maha Agung ingkang sampun maringaken sedaya nikmat lan kewarasan dateng kito sedaya dumugi sak menika sahingga kita sedaya saged kempal wonten ing adicara perpisahan puniko.

Sholawat salam kagunganipun Gusti Alloh mugii konjuk dumateng junjungan kito Nabi Agung Muhammad SAW.

Bapak Ibu undangan ugi Sederek sedaya.

Ing mriki kulo minangkani wakil saking kelas VI,

 Sak menika kula sakanca ngaturaken maturnuwun ingkang sak ageng-agengipun kagem bapak-ibu guru ingkang sampun nggulawentah wonten pawiyatan menika, ingkang mboten kraos kula ngelampahi ngangsu kawruh wonten ing pawiyatan mriki dangunipun sampun nenem warsa.

wonten ing adicara menika ,kula nyuwun agengipun pangapunten katur bapak-ibu guru amargi wonten ing nenem warsa ngangsu kawruh wonten pawiyatan mriki kula menawi gadhah kalepatan ingkang dipun sengaja lan mboten di sengaja.mugi-mugi bapak-ibu guru kersa paring pangapunten sedaya kelepatan kula sakanca

Satuhunipun kula awrat sanget badhe nilaraken pawiyatan menika. Amargi sedaya ingkang wonten mriki sampun kados sederek lan kulawarga,namung kula kedah nglanjutaken ngangsu kaweruh wonten ing pawiyatan ingkang langkung  inggil, kula kedah saget  ikhlas nilaraken pawiyatan menika.

Dumateng adik-adik kelas kulo wonten ing pawiyatan SDN Gasang setunggal mriki monggo sami dipun tingkataken angsalipun sinau supados dados tiang ingkang migunani  tumraping Bangsa lan Nagari.

Bapak Ibu undangan ugi Sederek sedaya.

Kadosipun sampun anggen kulo matur, menawi wonten kelepatan nyuwun pangapunten ingkang sak ageng-agengipun.

Wassalamualaikum Wr Wb